陳楨怡柬埔寨處女出騷

日前，陳楨怡(Celina)為柬埔寨金邊一間酒店周年活動登台，同場還有曹永廉、李施嬅和趙永洪。她首次擔任司儀兼唱歌，雖然彩排時比較緊張，但在兩位前輩曹永廉及趙永洪指導及鼓勵下，還得到曹永廉借出新買的耳機，讓她清楚聽到後台導演的臨場變化，令演出順利。Celina完騷後興奮表示：“今次真係好開心，係一個好好嘅經驗，第一次做司儀、第一次唱歌，好多謝台下每位觀眾，氣氛好好。希望之後繼續多啲有機會出Trip演出。”

當日Celina身穿純白貼身短裙，展示白滑背脊及大騷長腿，以最佳狀態為她的第一次海外工作、第一次做司儀、第一次獻唱，將三個第一次奉獻畀柬埔寨。完騷第二天，酒店安排車帶Celina同團隊出外遊覽景點，欣賞當地的風景，雖然氣溫四十度，但無阻Celina落車打卡：“第一次嚟柬埔寨，一開始有啲擔心，但係知道有好多藝人歌手都嚟過，逐漸放心，加上酒店出入口都設有安檢，所以非常之安全，加上裡面都有好多地方行，又有個靚泳池，好想下次再嚟。”