陳健安銅鑼灣會歌迷

陳健安為宣傳新歌《戀愛腦之死》，早前發社交訊息，指自己當日下午現身銅鑼灣。安仔再次請來特技化妝師，還原他在MV中的獨角妝，現身銅鑼灣行人專用區與歌迷近距離見面。“今日嚟到銅鑼灣同喜歡我嘅人傾吓偈，因為平日好少機會可以一對一同歌迷或者愛我嘅人傾偈，通常都係我出席活動見到，同我講拜拜、收佢哋嘅禮物，聽到佢哋講‘我好鍾意你呀’，但今日落嚟銅鑼灣，就可以多少少時間傾偈，同埋今早再搵特技化妝師整返MV嘅妖怪角造型，等大家可以拍照留念。”

當日有近百歌迷聞風而至，在場工作人員向他們派籌，每人會有一分半鐘時間，與安仔坐在馬路中心一對一、面對面傾心事，話題內容不限，亦可以現場的提示卡做談話內容，話題包括音樂、健身、旅遊、飲食等。當日除了聚集了一大班粉絲，很多路過的市民亦停下腳步，圍觀趁熱鬧，令現場一度人頭湧湧。 當日安仔與歌迷的對話層出不窮，有人請教安仔如何減肥、要他猜謎語、講對咖啡的喜好、分享旅遊趣事、喜歡打甚麼電動遊戲等。