羅毓儀被指撞樣葉蘊儀

無線新劇《神耆小子》前晚播出第五集，劇情講述錢大海（鄭則士飾）為了保護孫女金多多（羅毓儀Yuki飾）“重現人間”，並接受警方調查。自第三集後佔戲頗重的Yuki，前晚除了有與冼靖峰“偽深情”互動及唱K戲份外，其中一幕劇組更大派福利為觀眾呈現她大學生畢業Look。

由“御用中學生”升呢大學生的Yuki，照片中的她看上去亦比平時成熟，有網民更指Yuki有八、九十年代“宅男女神”葉蘊儀的影子。網民搞笑留言：“話係佢個女都信呀！”“兩個個樣都勁Sweet。”“真係似，兩個都細細粒、眼大大。”網民又大讚Yuki唱《難得有情人》時聲音有少許原唱關淑怡的影子。

談到與冼靖峰合作，Yuki 坦言開心又有新鮮感：“因為大家都鍾意音樂，所以除咗拍劇，我哋都會交流一啲拍劇同埋唱歌嘅心得，互相學習。”