劉佩玥自爆保養美腿心得

劉佩玥近日在播出的新劇《逆天奇案2》中戲份漸多，而前晚最搶焦的場口，非身材高挑的她大曬四十二吋逆天長腿莫屬！劇情講到身為爛賭婆的悠倩（劉佩玥飾）又在賭桌上輸清光，之後被疊碼仔Jimmy（袁鎮業飾）催還債，眼見悠倩冇錢還，Jimmy 打算“抽水”當收息，機智的悠倩見情況不妙，出動逆天長腿搭在Jimmy 身上並氹他玩“剝衫大話骰”。後來悠倩趁Jimmy去洗手間時企圖逃走，豈料被Jimmy識破，悠倩危急下拿起酒樽扑暈 Jimmy才成功甩身。

原來今次是劉佩玥人生爆樽初體驗， 她表示與袁鎮業睇 Playback 時興奮得大嗌：“睇吓，爆得幾靚，都話咗一次搞掂啦！打嘅時候唔好用個底打落去，同埋要有信心、唔好驚，最緊要被打嗰個唔係我，哈哈！”四十二吋白滑長腿備受關注的劉佩玥，大方分享保養美腿心得，她認為多做運動和多喝水有助保持雙腳處於最佳狀態。