想睇好波今日撲“飛”

女排賽事一直受本澳球迷歡迎，由過去的世界女排大獎賽到現時的世界女排聯賽，幾乎每次在澳門舉辦都座無虛席，氣氛熱烈。二○年爆發疫情，當年的世界女排聯賽被逼取消，與澳門一別就是五年，賽事本月底重臨濠江。提提球迷，比賽門票今日下午三起時公開發售。

重要事講三次，門票今日下午三時、三時起發售；球迷可透過多個網上平台購票，亦可於五月七日起到本澳廣星傳訊門市或於賽事期間到現場購票。世界女排聯賽在二二年開始改制，每個分站有八隊參賽，當然唔少得深受本澳球迷歡迎的中國女排再臨小城，賽期亦延長至六日。澳門首次舉辦改制後的女排聯賽，頭兩日每日有兩場，後四日每日上演三場，場地亦移師至更大更新的銀河綜合館。

球迷要留意門票不再是疫情前百五文睇足全日，今次賽事按不同場次及位置，票價由一百八十至一千三百八十澳門元不等，部分門票一次可睇兩場，亦有只睇一場，購票前必須睇清楚。

不過，當公佈本澳再辦世界女排聯賽，還有不少朋友問“有冇飛派”。確實不少人仍停留在派飛文化，不過澳門要打造成“體育之都”，很多賽事已由各大休閒企業承辦或主辦，“免費飛”呢支歌已冇得唱，現時辦賽的場館設施新配套足，一分錢一分貨，球迷觀賽的體驗升級，自然要有相應付出，“派飛”文化忘記吧，已成過去不復返。

今年為奧運年，大部分球隊都視世界女排聯賽為奧運前的最後備戰，會精銳盡出，中國女排亦有朱婷回歸，可以肯定場場好戲。想睇好波，就要記得提早買飛，唔好等開波前先撲飛。

賈大廚