血染霓裳空餘恨

“漁陽鼙鼓動地來，驚破霓裳羽衣曲”。曠世名詩《長恨歌》，白居易公曾出此句。“霓裳羽衣曲”史上名曲，乃出自詩歌主角唐明皇。原來此帝乃甚“煙”一族，能歌善舞，曉彈琵琶兼擊鼓，識作曲自不足為奇。

佢與楊貴妃之戀，除卻姿色，想亦因有樂藝同好。好曲不厭百回聽，難怪日日歌舞昇平矣！佢曾集百女於禁宮梨園同唱一曲，邊個走音佢都知，並糾之哉，可見此帝絕對專業。因梨園之地盡顯演藝之功，此後戲班稱“梨園”，演藝中人統稱“梨園子弟”，此亦唐明皇無心插柳之作。

明皇帝處開元盛世之巔，有玩盡玩，自不為過。然物極必反，世極盛而後衰。籠裏雞作反，安史之亂，盛唐不再，貴妃賜死，“明眸皓齒今何在，血污遊魂歸不得。”情何以堪！

明皇帝史上留名，實拜貴妃所賜，因之白居易公亦得作長詩，流傳後世，亦當死而無憾矣！

今日乃明皇帝登仙一千二百六十二年。

西門公子