方力申唔浪漫與遺傳有關

昨晚，方力申現身麥玲玲清談節目《玲玲友情報》任嘉賓。

有“飛魚王子”稱號的方力申，外表俊俏，被認定為花心、多女朋友的代表。玲玲師傅節目一開始即為小方平反，力證他是乖仔一名︰“因為你靚仔、識運動、單身冇結過三、五、七次婚，人哋會覺得你有問題。”

小方坦言，目前為止跟異性單獨約會食飯的次數，不多過五次。小方解釋道：“自小練習游水，細個拍拖不敢太張揚，驚畀家長話你咁細個拍拖。之後就由游水即刻跳入行，又要保護形象，加上拍戲工作又多，根本都冇時間約會其他女仔。同埋如果我唔夠鍾意一個人，係唔會開始，分手好煩、好辛苦。”

小方直言本身不是浪漫型男士，與家族遺傳有關，從小到大都冇見過父母手拖手出街，莫講話稍為親暱的舉動。他說︰“所以你哋從來冇見過我放閃、唔會影到我喺街拖住女朋友嘅相！”