傅明憲無意再拍電影

昨晚，在九龍灣舉行電影《開心鬼》四十周年放映活動。昨天是黃百鳴七十八歲生日，請來四百位好友到場，看他首次當男主角的作品慶祝，包括曾參演《開心鬼》系列的傅明憲、李麗珍及袁潔瑩。傅明憲當年以十四歲之齡，獲高志森導演發掘入行參演《開心鬼放暑假》，她分享拍攝趣事說：“記得第一日開工，屋企人唔放心，叫工人姐姐跟我開工。還有入行時用藝名孫慧，相隔一年入無線就用真名，記得當年節目有條一百萬終極問題，問《開心少女組》有邊四個人，但冇人記得孫慧同傅明憲係同一個人。”

傅明憲說當年開工十分開心，演學生不用演技，好似去玩。現在可還有戲癮？她笑道：“唔會請我做學生，或者可以做校長，不過我驚跟唔上依家步伐，依家演員演技好犀利，我覺得再出返嚟會好小學雞，完全跟唔上，都係做慈善工作。”黃百鳴說與袁潔瑩經常見，但李麗珍就很少見。他說：“好開心導演同編劇都到場，仲有麥秋老師，當年拎咗佢比賽冠軍劇本作藍本，馬偉豪當編劇。”他說生日願望是身體健康及公司拍多些好戲，希唔希望電影市道快點好轉？他說：“應該會好，我哋努力做好佢！”