陳嘉桓遊泰國喪食暴肥

陳嘉桓(Rose)相隔四年再飛，早前與朋友到泰國旅遊，盡情吃、玩和按摩，來一個極度放鬆的旅程。出發時在香港機場仍穿冬衣包到實的Rose，去到泰國即來個大解放，大騷好身段與長腿。換上泰服於鄭王廟打卡，Rose更成為其他遊客模仿擺甫士的對象。身為國際大腦皮紋分析師及導師，Rose受疫情影響未能外遊，她就不停教班，積極創立其皮紋生意，即使去年開關復常，但都沒有第一時間計劃旅行。終於忙到今個農曆新年過後，她驚喜發現自己有四日空檔，立即相約好友到泰國放鬆一下。

Rose說：“喺農曆新年前我病咗一個月，又牙痛、剝智慧齒同B型流感，都想去啲地方曬吓恢復能量，好似去充電咁。旅行嗰幾日天氣好好，自己好開心食咗好多好多嘢，豁咗出去冇特別控制飲食。”之前Rose曾透露另一個不去外遊原因，是為了陪伴家中的老狗，所以起行前她嘗試帶愛犬回媽咪的家暫住一兩晚，幸好沒大問題，她終於放心把愛犬留在媽咪家。經過今次之後，她不排除短期內再去叉電，“因為今次去食好多嘢，我日日都去按摩做Spa，所以返到香港我都仲好精神爽利。”