衛詩雅自爆零緋聞原因

衛詩雅今年憑《不日成婚2》首度入圍角逐金像獎“最佳女主角”獎，入行十六年的她接受商台節目《星光背後》專訪，分享在影圈十多年的經歷，還道出入行多年來與眾多圈中男神合作卻沒有擦出愛火花的原因。

衛詩雅一踏足影圈即被英皇力捧做女一，她說：“當時唔識諗，以為每個人入行就會做一次女主角，而家諗返，先發現當時嘅機會好難得。最感慨係入行後三、四年後，有時演回大配角，有段低潮期，好長時間冇人搵我拍戲，我會好質疑自己，但我又好鍾意演戲，所以主動爭取機會。”

與不同男神合作過，但從來零緋聞的衛詩雅笑說：“我最大嘅緋聞就係冇緋聞。呢行太多靚嘅人，可能我過濾咗靚嗰部分，唔會因為樣靚就吸引到我。我同圈內人相處完全無曖昧，我對圈內人已經唔係好感興趣，理想伴侶係圈外人。”