暗示女友冇仙氣唔夠靚

陳毅燊拍MV寧搵雲浩影

最近，ANSONBEAN（陳毅燊）推出新歌《IMPATIENT》，有份參與作曲填詞的他，希望藉着歌曲，呼籲大家放下不必要的規則和包袱。他重返母校聖士提反書院拍攝MV，並邀請雲浩影(Cloud)擔任女主角。被問到為何不邀請女友張天穎(Jaime)？陳毅燊頓時怕羞面紅口窒，非常搞笑。

MV故事講述飾演綁匪的陳毅燊與同伴衝入博物館搶劫寶物，期間遇上導賞員Cloud，被對方深深吸引，他最終決定放棄寶物奪走Cloud。陳毅燊說：“我搵Cloud做女主角係因為我要一個靚，有仙氣嘅女仔，所以佢係Perfect。”Cloud問他：“做咩唔搵女朋友嘅？”陳毅燊不懂反應呆了數秒，Cloud追問：“公開但低調？”他面紅紅害羞地笑說：“低調，係囉，低調。”

拍攝期間，陳毅燊一時用槍指着Cloud的面，一時用手捉着她的頭，還差點將對方拉跌，排舞師梁業（肥仔）心痛表示：“我真係戥阿Cloud肉赤！”他大讚Cloud的演出滿分：“驚恐得嚟又要做啲甜美嘅效果，我係男仔睇到都覺得導演Very Good，呢個角色搵得好好。”談到排舞師肥仔，陳毅燊讚不絕口，表示一直很欣賞對方：“佢排嘅舞好有記憶點同埋好好睇。”肥仔搞笑質問他：“點解咁遲先搵我？！”陳毅燊解釋未遇到適合project，又笑指肥仔忙拍戲。然後肥仔轉而追問Cloud為何今次MV不跳舞，Cloud立即指住陳毅燊說：“佢冇邀請我囉！”