蔡宛珊野外騷誘發舊患

近年，蔡宛珊(Sarika)參與Viu不少真人騷，包括《公司冇逼我跑馬拉松》，以及近日熱播的電視節目《適者生存》。Sarika在《適者生存》節目內與米露迪和蔡寶欣，以及幾位台灣女嘉賓擔任主持，在野外求生自給自足，因而令腳患復發。Sarika腳眼腫脹如豬蹄仍咬緊牙關完成拍攝，因為她希望透過節目，令大家更加珍惜大自然，珍惜世界。去年Sarika曾參與電視節目《公司冇逼我跑

馬拉松》，平日甚少跑步的Sarika為求盡善盡美，自己加緊練習，一星期跑足六日，一度嚴重拗柴，負傷完成十公里熱身賽。唯賽後腿部有三條韌帶斷掉，在醫生勸喻下被迫退出。

不久，Sarika被邀拍真人騷《適者生存》與幾位女主持出征台灣，Sarika未有因腳傷被嚇怕，她說：“聽完覺幾有挑戰性，野外求生，上山落溪澗好似幾好玩，到現場先知唔係想像中簡單！”

Sarika要與其他女主持在森林留宿，每日在野外尋找食物，本身傷患未完全康復，雙腿因每日長時間在不平山路上上落落、不時又要在溪澗浸水，最終右腳舊患近腳眼位置再度發炎並潰爛，腫如豬蹄。但為免雙腳影響拍攝，Sarika咬緊牙關堅持落去，不過部分項目如捕魚等就未能參與。她說：“最初都擔心自己好似幫唔到手，好彩後來激發咗我另一潛能，成為隊中生火專家，唔使半小時成功鑽木取火。”