文凱婷否認係第三者

前日，文凱婷與陳曉華在將軍澳電視城為《警聲百二秒Ⅱ》錄影。文凱婷以特務造型亮相，她說其角色是提醒大家慎防詐騙。去年她被爆搭上年長十七歲的歌唱老師湛耀東拍拖，更有指因她的介入，導致男方跟女友分手，文凱婷否認是第三者：“我哋成段關係正常發生，我亦冇介入任何人做第三者，佢（湛耀東）係完咗上一段關係先開始發展感情，而家我哋感情穩定，拍咗拖就快兩年。”

有指她因師生戀遭公司雪藏，文凱婷否認，她說有段時間少出鏡，是因為她去了朋友介紹位於深圳的五金廠做了半年。被指第三者有冇唔開心？文凱婷說：“我係嬲多過唔開心，有少少畀人抹黑屈嘅感覺。（覺得係男友前度放料？）相信唔係，自己都有個頭緒，不過真正關心想知嘅人都已經知，無謂喺呢刻再講。”

身材高挑的陳曉華，以一身粉紅女僕造型拍攝，令人眼前一亮。她笑說：“節目入面我係一個幻想中嘅人物，負責扮可愛，今次亦係我人生中第一次扮女僕，好彩仲趕到二字頭着，下年三十歲就唔夠膽着喇！”她說喜歡看動漫，但入行五年來一直沒機會扮漫畫人物：“自己都有少少怕醜，如果靚，性感上陣都得，最想扮女俠，或者扮《鬼滅之刃》嘅戀柱都好靚。”