陳俞霏自爆曾失聲

古淖文唱《明星》感觸落淚

無線歌唱真人騷《中年好聲音 2》今晚舉行總決賽前“最終樂章 · 第一回”的《八強戰！霑叔金曲永垂不朽！》，九位選手參賽作品分別是：《讓一切隨風》劉威煌、《抉擇》譚輝智、《明星》古淖文、《為你鍾情》陳俞霏、《星夜星塵》陳蒨葶、《心債》安雅希、《仍然記得嗰一次》黃劍文、《忘盡心中情》顏米羔和《普通人》沈宗賢。

“大魔王”安雅希獻唱天后梅艷芳的《心債》，她將歌曲改編成華爾滋風格，可惜未能打動評審。愈唱愈強的古淖文，則獻唱經典金曲《明星》，他唱到尾聲時，更一度感觸落淚。他表示：“我好想送呢首歌畀佢，佢就係喺呢個比賽認識嘅兄弟梁浩賢，佢離開舞台時講咗一句說話，深深打動到我。佢話：‘我嚟得呢個舞台，只係希望大家記得我。’我哋企得喺呢個舞台，除咗透過歌聲感動大家之外，我哋只想有一個要求，就係希望大家記得我哋、記得我哋個名，就係咁簡單！”

陳俞霏賽前接受製作組專訪，她透露十八歲時曾經失聲，無辦法再唱歌：“我十八歲時已經開始出嚟唱歌，因為太過消耗自己把聲同身體，一下子健康爆煲，又哮喘又生息肉，搞到聲都冇埋，醫生話我冇辦法再唱歌！”俞霏自言不是認命的人，不想毅然放棄音樂夢：“音樂陪咗我十八年，我唔想冇咗，我係咁搵邊啲老師可以醫失聲，最後搵到美國一位叫Seth Riggs嘅人，佢係米高積遜嘅聲樂老師，揸住唔夠一萬文港紙飛去搵佢，我好幸運上咗兩堂課，把聲就好返！”

另外，今日是金庸百歲生忌，製作組邀來“中一生”周吉佩、李佳、羅啟豪、龍婷、支嚳儀、顏志恒和丁文俊，獻唱多首金庸武俠劇的金曲，包括《萬水千山縱橫》、《兩忘煙水裡》、《情義兩心堅》、《始終會行運》、《雪山飛狐》、《笑傲江湖》和《世間始終你好》。而十四強的“中二生”日前合體拍攝的十四強 MV《隆重登場》，明晚將會首播。