陳煒為拍廣告忍口收身

日前，陳煒（煒哥）為醫美品牌拍攝廣告，演繹多個百變形象，展現不同造型。問煒哥於拍攝前有甚麼準備，她說當初都好擔心，因為農曆新年期間去過多倫多登台，主辦單位派專人每日帶她跟老公去不同地方食好嘢，但為了要保持身形只能夠乖乖忍口輕輕淺嘗，不敢放肆地開懷大嚼。加上廣告拍攝日期在大年初六，她年初四才返到香港，時間其實好緊迫，怕時差影響狀態：“好彩拍攝當日狀態都好好，每影一張相，現場嘅工作人員都會不斷歡呼讚靚，畀咗好多信心我，拍攝得好順利，自己都好滿意。”

今次廣告主題鼓勵大家要學懂欣賞及發掘自己的美，呈現大都會女性最真我、自信的寫照。煒哥其中三個造型率先曝光，有全白西裝造型“職場強人”、以女神長裙展現完美曲線的“女神約會”，以及男裝白恤衫慵懶地半躺床上的“枕畔情人”。 三個造型之中，煒哥說“枕畔情人”最有挑戰：“攝影師初初同我講，話要影床照，影我瞓醒後嘅樣，我初初都好怕達唔到佢嘅要求，驚Carry唔到佢想要嘅，估唔到影出嚟都有啲少女情懷，哈哈。”