古淖文再奪MVP感謝谷婭溦

前晚播出的《中年好聲音 2》，最亮眼選手是顏米羔，他獻唱王傑名曲《幾分傷心幾分痴 / 一場遊戲一場夢》，他笑言：“呢首歌由細聽到大，次次唱都會變王傑聲，細個好鍾意模仿他，今次試吓挑戰搣唔搣得甩（王傑腔）！”米羔最終獲得九十一分不俗成績。當晚，陳蒨葶及陳燕娜不約而同僅獲八十二分，與上半場同獲八十二分的鄭梓浩齊跌入危險區，氣氛緊張！

經過評審退席商議，最終鄭梓浩、陳燕娜冇得留低，陳蒨葶逃出生天！ 至於上半場獲得九十三分的古淖文，最終獲頒MVP，是次是他第二度獲得MVP，對此，古淖文興奮表示：“今集對我非常特別，第一次以Solo姿態拎咗九字頭嘅分數， 特別想多謝一個人，佢係我音樂上最大嘅後盾，佢就係‘小辣椒’谷婭溦老師，佢幫我改善咗啲咬字同江湖味，多謝你‘小辣椒’！”