銀壇美女情專一

王家衛稱之為第一古典美人，金庸眼中係氣質不凡之夢中情人，李翰祥則喻之為中國有史以來最靚女星；亦有人將之比作東方柯德莉夏萍。如斯足令天下狗公起痰之大美人何許人也？

楊濛，蘇州美女，因在片場觀拍片被相中，邀作鏡中人。明星當有藝名，因人美如“仲夏夜之夢”，故名“夏夢”。此姝一出，影圈登時滾熱辣，不獨其主演之片大賣，片場亦見狂蜂浪蝶。

其時有人借頭借路同夏妹寫劇本，無非想一親香澤。惜襄王有心，神女無意。此事一時為城中熱話。當事者卻不以為忤，數十年後依然津津樂道，能與美人結緣，成功與否，亦已恨死隔籬。

原來夏妹生來極之自律，更因相貌出眾而更自愛，雖處影圈大染缸，然出淤泥而不染，浪蝶狂蜂無法埋身。佢芳心獨許圈外林公子，從一而終，此亦銀壇佳話。

夏夢八年前仙逝，今日乃其九十一齡冥壽。

西門公子