何展睿新年市集寫揮春

香港唱作歌手何展睿(Steve)於春節期間參與一連七日香港的市集活動，除了把握新年黃金檔期賺錢外，原來也是他首次新年參加市集，並且要完成多項任務：“平時周六日都要教琴，咁啱今年大年初一係禮拜六，唔使教琴，咁就可以參加。自己一向親力親為，除咗為新品牌推廣外，仲會為居民寫揮春送祝福；推出動物產品為團體籌款；為新歌宣傳；最重要梗係為太太送驚喜啦。”

一向是“愛妻號”的Steve每逢節日必定會為太太送上驚喜，記得上年情人節他便為太太秘密拜師學整蛋糕，但今年Steve表示時間有限，索性為太太準備“神秘自創大利市”補數：“上年秘密學整蛋糕戰戰兢兢，難度非常高，整蛋糕實在太難超越，所以今年索性設計神秘大利市畀佢。老婆係比較實際嘅人，唔鍾意收花收禮物，所以真係現兜兜為佢送上五位數字嘅利市，希望真係畀到驚喜佢啦！”