高Ling開心集郵碧咸

高Ling成立的義工團隊“Team Samm”。日前在紅磡一間酒樓舉行“賀歲展關懷”活動，筵開十圍宴請一眾長者提早吃賀年飯，並大派禮物及利市。近日新聞纏身的李龍基亦有到場，但表明不接受訪問。高Ling被問到這次舉行活動花費多少，她笑說：“講心唔講金，只希望大家開開心心，媽咪因為要幫我執屋大掃除，所以未能參與。” 日前，高海寧到大球場睇國際邁亞密對港隊賽事，關於球王美斯全程未有落場引來球迷眾喝倒采兼大叫回水，連帶班主碧咸都被狂噓，未能一睹偶像球技的高Ling說：“明白大家失望，一心入去睇偶像，偶像又受傷冇落場，當下嘅情感係澎湃，反應係激烈。”

問到是否一心入場睇美斯，高Ling坦白說：“邊個唔想睇美斯，我之前去巴塞羅那旅行都買飛入場睇波，睇巴塞羅那對利物浦，嗰場美斯超水準發揮，我有生之年睇到佢喺現場踢波已經好開心，當然日前都好想睇佢落場，但聽講佢係受咗傷，作為球迷都希望美斯有好身體狀態去比賽，我可以諒解呢件事。”賽事前一晚舉行的晚宴，高Ling都有出席，同碧咸集郵成功，她開心說：“我當日啱啱落機，即時返屋企妝扮完過去睇吓影唔影到相，真係畀我影到，佢又幫我朋友簽名，我都想簽名但冇簽名筆，我有少少唔好意思，佢當時唔係工作，我不停阻住佢，但已經好滿足，人生都唔知會唔會再有機會。”