梁釗峰郭爾君合拍MV

梁釗峰籌備一年的新碟《遺憾與遺憾之間的一切》已經推出，“遺憾四部曲”的最終章《遺憾與遺憾的一切》MV日前上架。MV中，釗峰與Alma（郭爾君）身處於“愛情遺憾倉庫”，倉庫擺滿過百個色彩繽紛的“遺憾包裹”，包裹顏色的深淺度有着不同含意，褪色的代表已經被淡忘的愛情。釗峰說：“極度精美、鬼斧神工，好多謝張蚊（著名電影美術指導）團隊。”Alma補充：“喺片場成日講魔鬼就喺細節度，佢哋連玫瑰花上面嘅灰塵，甩咗一塊要點Fix，都有諗清楚。”

釗峰以雙生火焰形容與Alma的關係，“愛情遺憾倉庫”就如二人的結界，只有懂得珍惜眼前人才能解開心結，衝破結界。釗峰說：“佢哋身處喺同一空間，但從未感受過對方嘅存在，好似佢哋處理嘅每一段愛情故事咁，都冇好好確認對方。當佢哋意識到當下係最緊要嘅Moment，呢對靈魂伴侶生生世世經歷嘅遺憾，先會喺嗰刻解開。”釗峰希望透過今次“遺憾與遺憾之間的一切”讓樂迷明白，最重要的是從當中學到珍惜當下。他說：“我哋只能從遺憾當中學習同經歷，呢啲先係最寶貴。再返去當下，你自然就懂得用咩方式去愛惜身邊嘅人，希望大家懂得擁抱當下。”