尹光拍朱古力MV賀歲

近期爆紅的尹光，首次拍攝朱古力賀年廣告MV，帶住大大包朱古力同觀眾拜年，以經典搞笑爆炸頭形象同森美Rap住賀年，更以活力形象舞龍舞獅，將新年的歡樂喜慶帶給每個家庭。

今次的MV改編自Twins賀年金曲《你最紅》，尹光更首次與森美合作對Rap，面對一向口齒伶俐的森美，尹光笑言與高手過招份外興奮。全長兩分鐘的MV，為迎合農曆新年氣氛，尹光穿上一身大紅潮Look上陣，另外更戴假髮復刻《少理阿爸》經典造型與一家大細一齊捽碟Rap歌。尹光的經典歌聲加上歡慶鬼馬演繹，Rap落有趣又句句到肉，有望成為龍年賀年洗腦神曲。

尹光表示，今年首次拍攝朱古力為主題的MV十分開心，因為歌曲喜慶之餘又易入腦，錄音時自己都忍唔住唱完又唱，十分投入。尹光笑言今次MV拍攝最大得益者絕對是其孫女，因為孫女最鍾意食朱古力，一邊拍攝時已經不停提點爺爺記得帶多些朱古力回家給她們吃，一次拍攝滿足晒全家願望，絕對是歡樂大滿足。