阿嬌生日萬人大合唱

Twins日前完成第五場演唱會，適逢阿嬌（鍾欣潼）農曆生日，再次萬人大合唱中文版《生日歌》為阿嬌祝賀。當晚阿嬌農曆生日，有歌迷扮成禮物大叫祝她生日快樂，阿嬌笑道：“嘩，你唔係送你畀我呀？唔要得唔得呀？唔知擺喺邊呀，我唔識點養你。”引得全場狂笑。阿Sa笑完叫全場萬人大合唱中文版《生日歌》，氣氛歡樂高漲。唱《相愛22年》前，阿嬌與阿Sa（蔡卓姸）深情對話好感人，阿Sa邊唱邊深呼吸忍淚，阿嬌則決堤，哭到淚流滿面，現場大班歌迷也被感動得落淚。

阿Sa說：“咁多年，有好多人可能會話，Twins好好彩，其實我哋條路一啲都唔平坦，一開始係好純綷嘅快樂，過咗幾年，就開始唔係好識笑。”阿嬌回話：“ 我仲難啲，我記得一開始，Mani 不停叫我笑呀、笑呀，我真係好辛苦。到慢慢開始，好多人支持我，覺得被人重視啦，我先識笑容多咗，同你一齊又開心，打開咗自己 。”之後兩人再定神，準備唱《相愛22年》，阿Sa說：“廿二年前真係諗唔到，呢個係我哋嘅將來。”阿嬌接着說：“ 第一個演唱會後，都唔知仲有冇得再開。”