銀壇夫妻鶼鰈情

保羅紐曼，被喻為馬龍白蘭度第二，占士甸接班人，有型靚仔之極。在荷里活享盡名聲半世紀，拍片逾百部，卻從無桃色新聞。於此利字當頭、色慾横流之所，竟出污泥而不染，真乃影圈稀有動物。

保羅公，妻鍾活華，兩皆奧斯卡帝后，一見鍾情，從一而終，乃荷里活人辦。有曰要佢兩人分手，除非雁行折翼。相廝相守數十載，頂得佢順？保羅公好坦白：“家有牛扒，緣何要去食麥記？”“日日牛扒，唔厭？”“日日對住，真係會癲。不過我識得愛與尊重！”

“老婆對我，乜都OK，唯獨唔畀賽車，佢愛我也。”有回老婆跌落床，斷了鎖骨。保羅公趁機教化：“老婆，咪以為唔賽車就冇事！”

然對住靚仔老公，鍾活華亦有妙語：“我唔係鍾意佢靚仔，係鍾意個日日都笑口常開嘅老公！”如斯夫婦相處之道，當可白頭偕老矣！

今日乃保羅公九十九齡冥壽。

西門公子