世界第一恐怖片

電影《驅魔人》，於今提起，叔父仍怕午夜獨行。觀此片，由頭驚到尾。當年二輪在國華戲院翻映，此院本已老舊，銀幕上靈魔肆虐，叔父身邊頭頂忽聞異動，以為靈異埋身。後方知為鼠患，然已嚇到飊尿。

此片當年美國首映，萬人空巷，迫爆院門，皆因小說早已行銷。今由原作者監拍影片，信佢原汁原味。果不然，原著布拉蒂即收奧斯卡、金球兩最佳劇本獎。美國恐怖家協會亦畀佢終身成就獎。

神甫驅魔反入魔，恐怖如斯，布拉蒂話係真人實事。影片核突駭人，史無前例。一般恐怖片，嚇你三兩日；此《驅魔人》，會嚇足成世，起碼叔父至今不敢再看第二次。故被封“世界第一恐怖片”。

布公出身寒微，父母皆黎巴嫩移民。幼即單親，與母相依，卻聰穎勤奮，憑獎學金成材。雖曾務百業，卻以《驅魔人》一書蜚聲世界。七年前今日，布拉蒂公以八十九歲高齡西行得道。

西門公子