胡楓羅蘭演活遲暮戀

無線新劇《妳不是她》正熱播，前晚的一集中，“最年長熒幕CP”羅蘭與胡楓（修哥）擔正的“遲暮戀”正式上演，甜度爆燈！

現實生活中同樣儼如糖黐豆的修哥及羅蘭姐，劇中的甜蜜對望十足十時下熱戀情侶。談到修哥與羅蘭在《妳不是她》中的“遲暮戀”，監製 April坦言角色是為二人度身訂造，並以“追求愛情大歷險”這七個字打動二人答應演出：“我哋度劇本嗰陣已經鎖定兩位前輩，當時我用‘追求愛情大歷險’主題打動佢哋，聽完整個故事後，佢哋都相當開心同興奮。”Apri 又指出，遊電車河拍拖一幕，更是修哥昔日拍拖時的親身經歷。劇中與羅蘭、修哥勁多對手戲的馮盈盈，大讚兩老 Nice又親切：“我喺現場睇嘅時候，已經覺得佢哋兩個演繹得好有CP感，呢集我都有睇返，修哥同羅蘭姐真係演得好浪漫，我都睇到好冧。”馮盈盈還搞笑道：“修哥同羅蘭姐戲內戲外一樣咁Sweet，原來佢哋私下都好鍾意食甜品口架。”