與連家穎相逢恨晚

蔡穎恩：鍾意佢青春氣息

前日，林建岳名下餐飲店開張，林博士親自到場主持儀式，他旗下藝人蔡穎恩（Evelyn）、ANSONBEAN（陳毅燊）、劉沛蘅（Hillary）、何嘉莉（Lillian）、林熙彤（Hazel）、女團Me&成員Vian（連家穎）等亮相為老闆撐場。Evelyn帶住小師妹Vian感情很好，原來昨日她們才第一次見面。

Evelyn說與Vian相逢恨晚：“我之前睇Vian嘅跳舞片，覺得佢好可愛，青春無敵。一直好想見佢真人，睇吓佢個頭係咪咁細，果然，而且佢身形比例令人羨慕。傾偈後發現我哋志趣相投，原來我哋食嘢嘅口味一致，相逢恨晚。”Vian笑說：“我哋可以約埋一齊食飯，其中一個叫嘢食就得，唔使問對方啱唔啱食。”Evelyn說：“好鍾意同Vian呢類咁有熱誠嘅年輕人一齊玩，感受青春氣息，歡迎加入我哋公司呢個大家庭。”

Evelyn學Vian用Me&打招呼方式自我介紹，非常搞笑。Vian說：“我今日好緊張，因為係我人生第一次剪綵，剛才攞住個綵球唔知點剪落去！”一講到食，Vian立即興奮地說：“我最鍾意蟹黃油拌麵，蟹肉軟綿綿，啲麵超級掛汁，我食唔停口。”Evelyn笑說：“嘩，識用掛汁形容詞，證明係食家！我剛才食喇沙，平時配米線，原來同麵好夾，加上豆腐卜吸咗啲湯汁，超好味！”她還推介Vian試食麻辣牛筋，結果一試便愛上。

ANSONBEAN與Vian都是“蟹黃油拌麵”粉絲，他說：“呢個麵最有趣係自己加入汁料自己拌麵，可以跟自己口味調節，而且蟹肉好鮮甜。”Hazel賣口乖說：“佢剛才為大家拌麵，特別好食。”Hillary附和說：“唔知點解好似特別甜！”Hazel又說：“我好喜歡食涼拌魚皮，比一般厚身，口感好特別，亦好入味。而我最鍾意食嘅嗰款麵係米芝蓮，上面有鮑魚好好味，我唔會講係咩名，自己嚟試啦！”