陳展鵬力撐老婆做生意

單文柔最近推出了自家品牌的產品，昨日她偕同老公陳展鵬及囡囡“小豬比”一家三口齊現身宣傳活動，幸福滿瀉。小豬比跟着父母做出心心手勢，又露出古靈精怪表情，十分可愛。

展鵬受訪時，被問到是否打本給老婆做生意？他不諱言都有：“但唔係好多，OK啦，最重要係有好多朋友都支持佢，啲產品推出後反應好熱烈。（好快就有錢賺？）啲產品做落去應該前景好好，我直情諗住以後靠老婆養啦。其實老婆都好辛苦，每日要打理家庭同照顧個女，佢真係一個稱職嘅太太。其實最重要係佢可以搵到自己嘅愛好，又可以減壓。”

自家品牌產品推出後反應理想，單文柔被到可會將生意擴充？她笑言：“暫時仍未知道，再睇吓反應先啦，但都打算一直做落去，出年仲會推出新產品。”