薛家燕讚Bob好精力好生養

Bob（林盛斌）主理的《The Bobfather 棟篤笑 2023 澳門站》，日前在本澳倫敦人劇場結束，這亦是Bob化身“Bobfather”的第八站巡演。Bob找來薛家燕擔任表演嘉賓，全場唱《皆大歡喜》外，二人又跳韓國女團Blackpink的花花舞。Bob和家燕姐緣起廿年前，他第一次在電台負責節目環節《一個好人》：“節目去訪問一啲弱勢社群，睇下有冇機會幫到佢哋，家燕姐同台長講我做得好好，畀咗好多信心我、仲畀咗好多機會、好多鼓勵、好多力量我，係我圈中大恩人。”

家燕姐聽後隨即拍拍Bob，直言好欣賞他，因為當年自己只是得把口，真正幫老人家搬上搬落是Bob：“我好欣賞Bob！佢做事不但好勤力，仲好實事求是、唔怕辛苦同蝕底，幫到人就去做。”家燕姐愈講愈興奮，更爆Bob喜歡半夜三更打電話給她，日頭又做，夜晚又做：“佢身兼多職，日頭會sales、廣播、電影，夜晚又不停做，如果唔係點會有咁多個仔女？都唔知邊到有咁多精力！”全場大笑。Bob在每場巡演中，隨以自身經歷、自嘲以鼓勵大家勇於面對逆境，又加插與觀眾互動，現場競投Bob加持過的“Bob牌”，並由他親手為善眾戴上，誦經時，全場笑聲震天。