容祖兒拍廣告甫士王上身

早前，容祖兒為電器產品連鎖店拍攝最新一輯電視廣告，在其中一個場口中，祖兒更要用雙手支撐着整個人，被考驗臂力的她笑謂：“可以順便做埋健身！”

今次廣告宣傳照以最近翻Hit的Y2K風格為藍本，拍攝當日祖兒“甫士王”上身，手舞足蹈擺出多個Y2K風甫士。拍攝期間，祖兒聯想起好友古巨基千禧年代的唱片封面及宣傳照，她笑言：“呢啲係基仔嘅經典pose嚟㗎喎！”隨即，祖兒擺出多個基仔經典唱片封面的甫士，無論表情、眼神同動作都扮得好似，盡展她的扮嘢天份。

完成拍攝工作後，貪玩的祖兒更嚷着想把拍攝現場所有精品帶回家，在聖誕、新年期間，與家人朋友舉辦不一樣的龍珠居酒屋派對。