馮允謙無伴奏合唱有火花

前日，護膚品牌聖誕期間限定店舉行開幕活動，邀請唱作歌手馮允謙(Jay)出席。Jay透露每年聖誕節，他都會為摯愛親友準備聖誕禮物。“我揀禮物主要考慮對方嘅喜好和需要，見到對方拆禮物時嘅眼神同埋笑容，對我嚟講好有意義。媽咪當然是首選人物，而且必定選購該品牌兩大皇牌產品作為聖誔禮物，因為馮媽媽是其忠粉。”Jay又說：“媽咪喺加拿大生活，當地天氣乾燥，我會送護膚品畀佢，尤其是保濕。我媽咪好鍾意佢嘅產品，用咗好多好多年，我一定會買柔潤奇蹟面霜，同埋極致修護精華，令肌膚更緊緻。送呢兩份禮物畀佢，佢一定好開心。”

Jay前晚與香港浸會大學無伴奏合唱團SENZA A Cappella首度合作，精彩表演令觀眾聽出耳油。Jay興奮地表示：“今次活動同SENZA A Cappella合作，我非常之非常之開心，因為等咗呢個合作機會好耐！我本身喺自己嘅歌都會加好多唔同嘅Harmony（和聲），所以今次終於可以同一隊咁出色嘅A Cappella group一齊表演，好好玩。”他們合作三首歌曲都由Jay悉心挑選，他說：“首先係Mariah Carey嘅《All I Want For Christmas Is You》，呢首歌非常經典，每次表演都會全場大合唱，氣氛好好，大家都好開心。另一首《Have Yourself A Merry Little Christmas》，我選唱Michael Buble版本，係我人生最愛嘅聖誕歌，我覺得我把聲適合唱呢個版本，再加上SENZA和音，感覺好新鮮、好特別。”