盧慧敏自嘲有跑步困難症

盧慧敏(Amy)在電視劇《疊影狙擊》裏，搖身一變女殺手。這是她人生第一次埋位演武打場面，拿起手槍在街頭駁火，還狂跑幾條街追殺目標，其四十吋長腿飛踢動作，非常有型。不過Amy自爆首日開工才發現疑似患上“跑步困難症”，跑姿古怪，更自嘲似蟹又像馬，為了跑得靚和穿高跟鞋跑步，急請武術師傅上課惡補。她說：“第一日埋位拍動作場面，亦係我人生第一次動作場面和揸槍，好興奮，可以試新嘢！我的角色係女殺手，由表情、姿態，同埋處事方式都好有型、狠和果斷。我慶幸今日未有太多動作場面，淺嘗一下，最開心發現自己好多缺點。＂

Amy解釋道：“首先我有跑步困難症，唔可以跑得好有型，可能由細到大，我只會喺危急關頭先至會跑，當然唔會理儀態和儀容，所以今日就發現自己跑起嚟，跑姿好似一個蟹和馬溝埋嘅生物，真係要好好改善。”她笑說其實最大挑戰是穿高踭鞋跑步：“我做Model或平時廣告工作，經常着高踭鞋行同企，雖然唔可以話係乜嘢強項，但至少習慣晒，一定冇問題。不過今次拍戲要跑就真係一大學問。需要平時唔用嘅肌肉幫手，先至可以好穩陣和做出有型跑姿，我真係要搵武術師傅再研究和上堂學習。”