劉沛蘅拍窒息戲驚青

日前電視劇《叠影狙擊》劇情，講Hillary（劉沛蘅）被郭政鴻辣手摧花，拍攝期間更令她豁出去，一度感到生命真的受到威脅。Hillary笑容甜美的外表嬌滴滴，但在《膠戰》系列綜藝節目中，玩遊戲搏到盡，就連拍攝電視劇《叠影狙擊》她同樣毫不保留。Hillary說拍攝當日穿上行政人員套裝，被兩名保鏢用膠索帶捆綁手腳，挾持到僻靜的天橋底，再被飾演老闆的郭政鴻嚴刑逼供，要她講出破壞交易的幕後黑手。由於她堅稱自己不知情，未有憐香惜玉的郭政鴻，在戲中指使保鏢將膠袋笠着Hillary的頭，將她活生生焗死。

她說：“當日場戲係講我畀老闆雄哥殺死，原先場戲我係畀人毆打致死，我仲喺度諗，要點樣表達出嚟嘅效果會更加逼真，而家導演改咗用膠袋笠頭焗死，始終我真係要笠住個袋，會有窒息嘅感覺，令我更加入戲。”為求拍攝出更理想效果，身後保鏢會用力索緊膠袋口，令Hillary無法抖氣。雖然是拍攝效果，但因為劇情對白和氣氛等佈局令她入戲，甚至一度感到與死神非常接近。她說：“我係第一次拍要死嘅戲，剛才笠住個頭，真係抖唔到氣，有一種喺死亡邊緣嘅感覺，初頭都有少少驚。”