兩下屬先後離世感慨萬分

羅司指工務部門壓力大

原建設辦主任周惠民一八年因病離世、房屋局長山禮度早前也因病身故。兩位下屬先後離開，運輸工務司司長羅立文感慨萬分，昨日列席立法會明年施政方針辯論在引介時特別提到，“我要感謝整個團隊，包括一些今天已經離開我們的成員，你們肩負使命，為服務居民付出努力和熱誠。”多位議員發言期間也感謝羅司及其團隊的付出。

不要再畀壓力我哋

羅立文在會議結束前亦再度談及轄下部門兩位官員的離世，“我做兩任司長，每一任期冇咗一個局長。大家要明白，現時做政府工不是咁簡單嘅事，我哋工夫已足夠多壓力，不用再畀更多壓力我哋。”他稱自己七九年開始加入當時的工務部門，由技術員到廳長再到局長，“做落邊啲位我比較清楚，我做局長時希望政務司點樣對我，輪到今日我做司長，我都唔會忘記。”

勿開口埋口叫廉署

他多次提到現時當公務員“難咗好多”，“今時今日在澳門打政府工與以前好大分別，做了九年司長，好清楚大家嘅辛苦，若要問責這些人（轄下局長），係問責我，一個人做唔到咁多工夫，係要三千四百人做（運輸工務範疇人手）。”

他回憶就職司長九年，“我做了十五個（局長）就職儀式，十二月二十日前要做埋第十六個（新房屋局長），你哋畀壓力，報紙又嘈，點頂啊？有乜嘢就鬧我啦，我哋十個部門已做到癲，唔好開口埋口叫廉署。”