體壇快訊

皇馬客場險平西維爾

西甲皇馬作客賽前易帥的西維爾，大勇的比寧咸支援雲尼斯奧斯進攻。皇馬早段先有F華維迪入波但越位詐糊，半場互無紀錄。阿拉巴七十四分鐘擺烏龍累皇馬落後，幸卡華積在四分鐘後頂入頭鎚扳平。完場前倒戈的拉莫斯頭鎚攻門，被阿列沙巴拿加撲出，兩隊賽和一比一。皇馬三連勝斷纜，踢多場暫以三分優勢上榜首。西維爾九分排十三。

德甲拜仁輕取緬恩斯

德甲拜仁主場鬥緬恩斯，哥列斯卡一傳一射。開賽早段，拜仁先有高文無人看管下射入，卡尼十六分鐘頭鎚建功，拜仁迅速領先二比○。客軍半場前靠上斯窄位破網追近，但拜仁在五十九分鐘，由哥列斯卡禁區邊起腳射入，拜仁鎖定勝贏局贏三比一。拜仁兩連勝，續少榜首利華古遜兩分排第三。

聖日門破史特拉斯堡

法甲聖日門主場出擊迎戰史特拉斯堡，全場形勢佔優，交出七成八控球率先。麥巴比開賽十分攻入十二碼領先一比○，卡路士蘇拿卅一分鐘再下一城，聖日門半場兩球在手。法比安雷斯比賽尾段埋齋，聖日門主場三球大勝。少榜首尼斯一分，十八分排次席。

華斯達賓衝刺賽登頂

F1美國站衝刺賽，提前鎖定三連冠的紅牛華斯達賓，與平治咸美頓、法拉利克萊大鬥法。第六位起步難阻華斯達賓，早段即順利爬過前面幾名車手搶上首位。咸美頓在戰車升級下力追維持一秒差距，不過華斯達賓在第三圈開始發力，最後甩開九秒優勢贏衝刺賽。陸克萊則力壓麥拿倫的羅利斯得第三。