陳卓賢孝順父母送車帶旅行
前日,陳卓賢(Ian)、周吉佩(吉吉)及顏志恒到沙田馬場為“時尚煲呔賽馬日”擔任開幕表演嘉賓。
Ian自爆近日買了一輛全新七人車送給父親,但不是想爸爸接載他返工,而是想爸爸享清福及同同媽咪周圍去玩。因爸爸都工作了很多年,他又指從家姐口中得知,媽咪早前偷偷再去學車,如果她想要車都可以再買給她。孝順的Ian透露早前首次帶父母去日本旅行,很大壓力:“因為爸爸從未去過旅行,所以就逼佢請幾日假一齊去旅行,因為要從父母角度去計劃行程,都好擔心唔合父母心意,雖然佢哋全程冇表露,但返來知道佢哋好開心,自己都好開心。”
Ian、吉吉和顏志恒三人前日即場獻唱,獲大批歌到場支持。Ian一身紳士煲呔造型亮相,並即場獻唱三首歌曲,包括《正式開始》、《抱抱無尾熊》及《留一天與你喘息》。首度入沙田馬場賽馬日的他,在台上說心情好興奮好開心:“好榮幸第一次入場就可以擔任表演嘉賓,一向覺得賽馬係一項好紳士嘅活動,同埋打煲呔好代表男士風格,自己都好鍾意。”