李靜儀巴黎米蘭旅遊睇騷

李靜儀(Heidi)自從疫情後相隔四年，再獲邀赴巴黎和米蘭時裝周睇騷。Heidi說︰“去到米蘭開始病，有驚無險食住藥控制到，唔算係超級嚴重，亦冇影響工作。”不過今次的旅程Heidi亦有遺憾，因為發生了一些意外，趕不上其中一個騷。她說︰“錯過了一個我很想去睇的騷，自己本身好喜歡呢個品牌，唯有下次再去睇。”除了大塞車外，她在巴黎差點出意外︰“今次去巴黎畀了自己一個重要任務，要喺巴黎踩單車，不過租完先知道係架電動單車，比想像快好多，喺單車徑踩時差啲發生意外，當時失平衡，而且又有好多車，幸好身體閃避到先無事。”

雖然Heidi過往是時裝周常客，獲不少品牌邀請到當地睇騷，不過她坦言今次出發前既期待又緊張。她笑說︰“因為實在太耐冇去，特別着緊，而且要着的衫都比較貼身，或者比較性感，出發前半個月都不斷去做gym喼弗，希望以最佳狀態示人。”她一口氣去了米蘭和巴黎的時裝周，行程相當緊密，Heidi甫抵埗便病倒，不過無損她睇騷的心情。雖然今次的行程安排得十分緊密，但Heidi趁不用工作的空檔，亦有去欣賞意大利世界文化遺產之一的五漁村靚景，旅遊充電。