曾當補習老師受歡迎

麥玲玲自爆冇耐性轉行

麥玲玲與Jojo（黃紫恩）、Yan Yan（陳欣茵）、行仔（蔡景行）三位J2ers，主持的清談節目《玲玲友情報》，今晚播出的一集主題為“補習唔係咁樣補”，請來元祖級補習天后June Leung擔任嘉賓，大爆補習圈的陰招。

今集嘉賓June Leung在補習界縱橫多年，見盡補習圈的古靈精怪，她見識過有老師會預備一份錯誤內容的筆記︰“上堂時先同學生講‘呢啲（錯）係我專登用嚟跣偷印我筆記嘅學生。所以麻煩你將個段扠咗佢’。”June亦見盡千奇百趣，有老師為吸引學生，專登研究chok聲吸引學生上堂。多年前有位補習天王，要租大型戲院賣飛讓學生上堂。每次都差不多爆滿。但有次人數不足，他寧願退票貼車馬費取消課堂，非常霸氣。

玲玲師傅在節目中自爆，曾經做過私人補習老師，她說︰“我嗰個年代係喺超級市場廣告板貼紙仔，紙仔下面分成好多份，寫自己電話，等人打嚟約上堂。”玲玲師傅自言非常受家長們歡迎，但自覺耐性不夠，所以最後沒有再教。她又爆老公曾說假如有朝一日失業，都會當補習老師。

三位主持Jojo、Yan Yan同行仔說讀書年代，都分別上過“雞精班”補課，Jojo指當年在元朗補習，被教英文的男老師在堂上評頭品足︰“去到唔係先教你嘢，會叫你坐好啲，唔好咁私縮呀。嗰位老師超級惡，不過好多人爭住上佢堂，超級爆，補咗兩年，確實有進步。”

Yan Yan說中學年代每月都花幾千元上補習班，最誇張有些課堂要凌晨排隊報名，她笑言︰“有啲同學通宵去排隊，只係為咗上某幾個星級老師嘅堂，好似追星咁，只係想見下對方。”