馮德倫驚喜現身陳慧琳舞台

一連兩場《陳慧琳 Season 2 演唱會 澳門站》，昨晚假澳門銀河綜藝館舉行尾場演出。Kelly（陳慧琳）不但得到好友馮德倫力撐擔任特別嘉賓，台下歌迷瘋狂又投入的舉動便令Kelly感動得在台上流淚。演唱會上，Kelly為歌迷帶來自出道以來歷年金曲與近年新歌，還有連場勁歌熱舞，如：《醉迷情人》、《伶仃》、《花花宇宙》、《一切很美只因有你》、《烈愛成灰》等。而其中一個最大驚喜，是馮德倫現身開金口，與Kelly合唱。馮德倫說：“我唔單只好耐冇唱過呢隻歌，我仲要係好耐都冇唱過歌。”

Kelly即笑言：“聽得出！保持返二十年前嗰個水準，都OK嘅。”馮德倫聽到Kelly美言後說：“你就保持返二十年前一樣咁嘅樣，跳舞又冇變過。”Kelly指馮德倫只要剃了鬍鬚，一樣有型，因為Keep得很好：“你昨晚嚟，男女都冧到爆。”穿上樽領的馮德倫，與穿上銀色高衩舞衣的Kelly，相映成趣，就連馮德倫也不禁笑說：“我有啲着多咗，應節《北極雪》諗住着好啲，點知你，昨晚見到咁樣，今晚諗住除咗條褲 ，但費事啦！”