社交平台曬相報喜

余香凝誕子湊成好字

余香凝(Jennifer)於二○二○年十月透過社交平台宣佈與圈外男友陸政渡結婚，並於十一月舉行婚禮及婚宴。同年聖誕節她宣佈懷孕，二○二一年五月誕下女兒Clare。昨日早上十一時左右，Jennifer在社交網站曬出一張一家四口大手疊小手的照片，正式宣佈她的細仔已順利誕生，與大家分享她內心的喜悅。如今她家中再添新成員，三年抱兩，可湊成個“好”字。

Jennifer除了曬相，亦開心地在社交平台向囝囝留言道：“歡迎嚟到我哋呢個家 ，我哋每一位都好愛你。家姐仔覺得你好靚，以後佢會成日唱歌畀你聽，你成日都會聽到《Let It Go》同《A Whole New World》。多謝你咁惜媽咪，成個懷孕期媽咪都好舒服。出世有7.7磅，又好多頭髮，叻仔！繼續飲多啲奶奶瞓多啲！快高長大！再次謝謝劉醫生和麻醉醫生。” Jennifer在文尾標籤了“916”，相信這是她囝囝的出生日期。

之後，Jennifer在社交平台的限時動態中分享她抱住兒子的相片，並表示：“第二次做媽咪，以為自己會好珍惜喺醫院有得瞓嘅時間，點知最後都係堅持夜晚都推入嚟試埋身。”相中的她雖然剛分娩，但看來精神好好，囝囝有好多頭髮，十分可愛。

Jennifer更以語音回覆了香港傳媒的電話訪問，她表示：“BB出世嘅過程十分順利同輕鬆，今次係第二胎，自己已經冇咁緊張，做手術時一直同兩位醫生、我丈夫傾偈，咁就迎接咗BB出世。佢有7.7磅重，我都意想唔到，因為我今次懷孕時冇催谷自己增肥。我上次懷孕時試過食到嘔，今次就一切順其自然、放鬆心情，BB好大隻，有好多頭髮，最重要係健健康康，好開心佢出世時好健康，而且好配合媽咪，很乖。我喺醫院時已經可以成功餵母乳，非常感動！”

Jennifer又踢爆老公陸政渡在手術室內抱住兒子時喊爆，“可能因為疫情已過去，佢可以喺手術室內抱BB。佢平日情緒比較收斂，今次一抱到BB就開始眼紅及喊出來，我即刻叫護士幫手影相同短片。睇到呢個畫面，我真係好感動。醫生准我做手術時聽歌，BB出世時，啱啱播緊謝安琪嘅《成婚破浪》，真係好浪漫！”