袁偉豪張振朗意國靚景打卡

本周六將會播第二集的《歐洲鐵騎遊》，袁偉豪與張振朗開着鐵騎在被喻為全世界最靚的路段風馳電掣，到全意大利最高的瞭望台打卡，欣賞加爾達湖無敵靚景。振朗大嘆：“苦盡甘來，可以睇咁靚嘅景，真係好值得。” 之後袁偉豪漫遊意大利小鎮，一邊歎啡一邊回顧昔日搏命歲月，坦言三十歲到卅八歲期間將身體嚴重透支：“拍完《鐵探》之後身體好差，但對我自己嚟講問心無愧。”

振朗則重提其中一年台慶的搏命實錄：“有一年台慶有個環節係講訓練班，我要做一隻馬騮，講我要撻落張枱，一Action時腎上腺素飆升，當時冇戴到腰封就飛起身撻咗落去，之後就Feel到仆X喇，覺得好大鑊，最後都繼續死頂做埋佢，第二日即刻去咗睇醫生！”翌日行程，袁偉豪暫時離開大隊出發參觀有近千年歷史的古堡，惟袁偉豪出發後不久再次遇上阻滯，因早兩日行程下大雨關係，導致他的鐵騎出現狀況，兩人要臨時換上其他鐵騎，最終搞到遲到，更一度激嬲古堡主人！