為歌曲《票房毒藥》拍MV

黃子華嘆學結他手痛數月

《票房毒藥》是樂隊Nowhere Boys首次創作的情歌，由黃偉文填詞。今次樂隊邀請到黃子華和Renci（楊偲泳）擔任MV主角，Nowhere Boys與粉絲客串扮演戲院觀眾和路人。MV 在紅磡一間舊式戲院取景，並請來電影《流水落花》的導演賈勝楓執導。

Nowhere Boys特別準備了兩份禮物答謝子華和Renci，Van說一份是暖水壺，並由太太用英文書法寫上Renci名字，希望她平時拍戲可以沖多些暖飲保持健康；而另一份是由結他手Ken親手製作的結他Cable（導線），原來他手工出色，連外國專業錄音技師都稱讚靚聲。

子華到場後與Ken（Nowhere Boys成員林宇翔）敍舊，Ken介紹隊友給子華認識。順利拍攝完，子華說：“好玩，唔辛苦，又唔熱。真係冥冥中，今日嚟到好多驚喜，見到我嘅老師，係佢搞到我隻手痛咗幾個月，原來佢係呢隊band嘅成員，而且我之前睇過佢哋做騷。見到大家拍MV咁投入，好激勵。”

主音Van說：“冇諗過會發生喺我哋身上，今次獲得子華神嘅加持，仲有Renci，佢哋來自大家都好熟悉嘅電影團隊，真係好勁，多謝佢哋嚟參與演出。”他坦言邀請子華演出，原本只是一個天真夢想，即管向公司提出，結果非常驚喜。他說：“我當初想請子華神拍MV ，因為佢曾經有段時間被形容‘票房毒藥’，不過唔緊要，今年佢憑《毒舌大狀》已經成為過億票房嘅電影男主角啦！”

Van說當子華答應演出後，才知道結他手Ken原來跟他有一段緣份。Ken說：“幾年前子華嚟睇我哋做騷，完騷後佢問我可唔可以教佢彈結他，所以我教咗佢一段時間。”至於Van與Renci是在朋友聚會中認識，他笑說：“嗰晚我哋成班朋友一齊食大閘蟹，仲各自帶咗啲食物去，佢對我同太太一齊整嘅香蕉蛋糕好捧場，食咗唔少。”