志偉認向無線遞信：打回頭

觀衆眼睛有多雪亮？陳山聰、陳豪、陳展鵬、蕭正楠，四大小生擔任港姐司儀，竟有網民狂批：災難級。是否誇張到慘不要忍睹？TVB總經理曾志偉回應——“我有睇。咪畀人睇下，靚仔未必做到司儀嘅。”以為新鮮感，加上AI司儀換一換口味，不是熟口熟面的奬門人，C君這些甩頭甩骨的人……。

求新，求變，實踐是檢驗眞理試金石，“所以，靚仔有靚仔的好，三尖八角有三尖八角的好。”志偉手揮目送，指點江山，“睇大家鍾意甚麼，悉隨尊便。明年再諗過，年年都有唔同花臣”。

曾志偉在台灣住院施大手術期間，香港傳聞滿天飛，AI港姐，無線主席、總經理辭職，機構生死攸關的問題……留得青山在，哪怕沒柴燒，你的大手術如何呀？“醫生大讚‘靚仔’。”

志偉説，其實，醫生觀察了這條血管十幾年，“膨脹到非要處理不可了……。”志偉表示，“位置在肚臍下方主動脈，裏面放了三個支架。以前，要劏肚的，現在，只在大髀撐開兩個窿仔放入儀器……。如果唔做，以後唔使做。因為，有機會爆，好危險，無得拖，一定要做手術，明年覆診。”

禍兮福所伏，“手術後，改善了日常生活的壞習慣”，志偉開心言道，“要早點睡，飮少點酒，對人禮貌些，見到靚女不可以望太多，亦不可以勞氣；保持適量運動，同沒腳法的阿倫踢波，冇所謂，同後生仔踢波就要好小心。”

TVB救市，正大戰時期，何時復工？“我想同主席許濤講，可否遲些復工，或者小小復工，重要事便準時復工。認為不大重要，遲半個小時復工，看看是否‘在家工作’，有些事情用Zoom解決。（會否轉換崗位？）轉道具組囉，都操勞。轉化妝啦。”

早期股市風雲，有傳因TVB人事重大變動，關於曾志偉辭任總經理傳聞，他首次正面回應——遞咗幾封信，但，都彈返轉頭畀返我。（有否向同事派定心丸，話自己有排做？）我只係對同事講，請他們孭重些工作，自己孭輕些，有事匯報就算了。

近日，盛傳曾志偉涉嫌捲入緬北詐騙集團，“實在太多內地朋友詢問，我話不是我……”曾志偉憤然回應，“最憎呃老人家的錢。網上太多假新聞，對資深藝人影響不太大，對年輕藝人，會因假新聞失去工作就好慘，問吓良心啦，點解咁做，我一定追究到底。”

高 梁