陳毅燊想做MV導演

ANSONBEAN（陳毅燊）為R&B新歌《CALL ME（Late At Night）》拍 MV，故事由辦公室場景開始，講他無心工作，腦內只有女主角。期間他見到書枱上的記事簿，於是靈機一觸，畫了多幅與MV有關連的火柴人漫畫。原來他自小喜歡表達自己，最初只對畫畫感興趣，長大後發現演戲比畫畫更能表達內心所想。現在他更設下“終極目標”，希望成為一名MV導演，透過創作和影像表達其天馬行空想法。

他說：“今次首歌係講我鍾意咗個女仔，原來佢有男友，但我覺得佢男友對佢唔好，我相信我可以對佢更加好。呢首歌並唔係真人真事，只不過係我同SILVERSTRIKE一齊創作嘅時候，想做一首抒情歌，要諗一個戲劇化嘅背景。然後我哋揀咗首歌叫《Same Girl》，參考咗裏面嘅概念，兩個男仔傾偈時，發現原來大家鍾意咗同一個女仔。”他坦言很喜歡影像創作，拍攝MV當日隨手拿起一本道具記事簿，繪畫了一幅幅與MV有關的漫畫。他說：“我小學時，會喺筆記簿上畫公仔，畫火柴人。今日我畫咗MV個故事，講我攞住把劍去救個女仔，覺得畫漫畫係一格格，而演戲連貫嘅動作，對我嚟講更容易表達故事。”