剖白單親草根家庭長大

梁朝偉勉弱勢兒童自強

前日，梁朝偉到油麻地出席兒科醫學會的獎學金頒獎禮，向二十位基層及患有長期病患的得獎學生致辭。一早到場的偉仔未有受訪，有“社交恐懼症”的他，被嘉賓要求合照簽名，他都來者不拒，更用手機同嘉賓自拍。早前有傳聞指他與女星程瀟有染，甚至育有私生子，事後偉仔已發聲明澄清否認。前日他婉拒訪問，但全程面露笑容，心情似乎未受影響。

偉仔頒獎前上台致辭，他首先多謝葉柏強醫生邀請他出席這個有意義的活動。之後以自身經歷勉勵大家：“其實我都係來自基層家庭，我個人覺得每一個人或多或少都有啲缺陷，有生理上，有心理上，我都係。我嚟自單親家庭，喺我記憶中，六、七歲嗰陣有一日爸爸消失咗，我同妹妹由媽咪一手湊大。因為家庭環境唔好，中學未畢業就出嚟做嘢幫補家計，我好幸運，工作咗五、六年之後，搵到一份自己好有興趣嘅工作。”

接着偉仔說：“工作期間覺得自己讀書唔夠多，但係可以進修同自修，呢段期間我對每一個工作都好認真，我唔敢講自己好成功，但係都做到自己心目中要求。一直覺得自己只係個普通人，如果我都可以，我相信所有人都可以。我祝大家身體健康，今日得獎嘅小朋友前程錦繡。”偉仔短短兩分幾鐘的致辭，獲得全場掌聲。

梁朝偉給多位得獎學生頒獎，其中一位男生需要坐輪椅，偉仔走到台下頒獎給對方，並蹲身影合照。影大合照時，偉仔見台上有位小妹妹難以下台，主動把她抱下台，又與得獎小朋友傾偈，表現十分親切。