自認進取型女追男

阮嘉敏演含羞答答驚出戲

劇集《靈戲逼人》前晚講到阮嘉敏(Mandy)飾演的繞若琳，及吳子冲飾演的傑仔發展感情。Mandy指十年前因做模特兒已與吳子冲相識，因為雙方有“朋友底”，故此演繹“含羞”場口時才不致太緊張：“其實真實嘅我唔怕醜、唔怕事亦唔內向，對住鍾意嘅男仔我會採取主動，呢個角色真係完全唔係阮嘉敏嚟㗎，所以出街前我都好擔心演得唔似。”

Mandy預告，稍後劇情若琳將為傑仔更癡線和豁出去。她為演繹劇中“若琳式”含羞答答樣及“GF able七式”（Girl Friend-able，意即“適合做女友”），事前對鏡苦練兩個月。Mandy說：“我有參考《大時代》入面周慧敏演嘅慳妹，學吓啲小動作同眼神，再喺屋企對住塊鏡練表情同陰聲細氣講嘢，試咗個零兩個月我自己都接受咗先去演。”

Mandy又說：“同埋我身邊咁啱有朋友個妹都係內向啲，我去佢屋企偷師，佢阿妹真係唔係點郁，同埋我試過同佢傾偈，佢真係唔係好敢望我。”Mandy笑指朋友都喜歡劇中的她：“佢哋覺得我平時嘈啲，好想我安靜。”

楊凱博透露自幼習武最擅長刀棍功夫，故對拍攝有一定幫助。他曾於武術比賽勇奪全能冠軍，童星出身的他，劇中飾演粵劇團興趣班同學，要上台表演耍纓槍，盡顯身手及功架。他又透露耍棍心得：“要練得好，我個人嚟講覺得關膽量事，我嗰時有同其他人一齊學，但有啲人打得特別型同快，因為佢轉得快，但咁樣打到自己嘅機會亦會大。但我由細到大都比較細膽，所以我轉嘅棍花相對慢，專業嘅人睇落去會冇咁靚。”