雲浩影同歌迷開生日趴

日前雲浩影(Cloud)生日，一班“迷雲黨”（Cloud的歌迷暱稱）舉行生日會為她慶祝，亦是她出道以來第一次歌迷聚會，心情既緊張又興奮。歌迷為她準備了三個蛋糕，分別寫上“大紅大紫”、“仙氣常駐”以及印了她的靚樣。Cloud率領全場大合唱中西合璧的生日歌，即是傳統中式祝壽歌旋律，配合英文歌詞的生日歌，非常搞笑。Cloud願望是舉行個人Live Show，與歌迷分享音樂，答謝“迷雲黨”支持。Cloud斯斯文文，仙氣逼人，她的歌迷平時在公開場合亦表現斯文冷靜，第一次舉行歌迷聚會，Cloud意想不到自己的歌迷亦有熱情和活潑一面。

她說：“初初都擔心大家咁文靜，氣氛會唔會尷尬，但玩完一輪之後，我同大家都開始熟絡，歌迷之間亦都混熟咗，係一個好開心嘅聚會。原來‘迷雲黨’唔怕醜、唔內斂，佢哋好得意，我好開心見到大家嘅另一面。佢哋一路以嚟為我做嘢，我都好感動、好鍾意，多謝。” Cloud笑言今次歌迷聚會就如大型網友見面會。活動順利舉行，特別感謝為歌迷會服務的幾位幹事，她說：“要畀大大嘅掌聲畀四位幹事，佢哋係年紀小小的大學生，能夠做到咁多嘢，我引以為榮。”