得意佳作屆反彈時

今晚澳門馬會續轉播香港賽事，為今季最後一次跑馬地賽事，睇好三匹潘明輝策騎嘅有分頭坐騎，贏位兼投應有着數。

第二場五班二千二米。“怡昌勇駒”雖然至今仍未試過入三甲，但前仗轉馬房初出得第五表現不差。上仗跑同程排外檔早段居較後位置敗不足據，今仗排回一檔要救馬必拼，值得再追一次。

第三場四班千二米。“好好彩彩”前仗轉倉初出贏同程由頭放到尾，締速與姿態均佳。上仗起步失機敗象早呈，今次排大外檔起步必有分頭，如能順利放出可施回馬槍。

第六場四班千二米。“得意佳作”至今仍未贏馬，但過往跑得最接近一仗皆跑此程所得。今場排回二檔起步，機會又不可同日而語，評分已減得甚多，屆反彈時。