譚旻萱效張敬軒韓式呼吸

新人譚旻萱(Mandy)最近獲快餐店邀請，拍攝全新“深海狹鱈魚柳”精選早晨套餐廣告。大賣青春無敵本色的同時，Mandy更首次踏進錄音室，為全新廣告主唱廣告歌《Sea You Soon》。她說去到錄音室嘅時候，真係會覺得自己冇可能做到，一開始都唔係太順利：“不過唱順咗又OK喎！好驚喜！好自豪自己可以過到呢關、係一個對自己嚟講好大嘅挑戰。令我回想返初入行時嘅飮品廣告，同今次一樣好有挑戰，之前就要學踩roller，今次就要學唱歌，人生第一次唱歌表演，真係好有成就感。”

Mandy笑說：“今次拍攝快餐店廣告要唱廣告歌，真係非常之有挑戰性，最初聽到首歌嘅demo時，會覺得自己唔會唱到咁高嘅音域，而且係用唔少真聲，加上要配合返好有活力、開心嘅energy，冇得降key，所以對我嚟講真係好大挑戰。”拍攝又唱又跳時，Mandy使出從張敬軒演唱會中學到的“韓式呼吸”，活學活用，她笑說：“我睇張敬軒前輩演唱會時佢講過而家興男團假呼吸，我而家就係熱血地唱、動漫式呼吸，好好玩，一啲都唔辛苦。”