好好出擊隨時起筷

今日跑五場草沙黃昏馬另轉播十二場外地賽事，馬迷又可過足癮。今仗全日出馬不多戲碼平淡，但出馬少賽事暗藏殺機，加上賽前連場大雨，賽日場地情況難料，倘落雨打水戰，賽果爆冷居多，揀馬投注臨場執生。

法國普健士刑滿復出上陣，今仗座騎仍夠份量，不妨留意。另一紅人日將中野省吾近期搏殺頻頻贏馬，陣上拼勁十足，受練者及馬主歡迎，現成炙手可熱。此子停賽兩日在即，今仗騎足五場，座騎具實力，旺門騎師值得看重。

第二場：四班千五米。“養貓快樂”上次跑同程一條直路殺上，輕取對手多個身位，贏來兵不血刃，反映馬匹實力仍有大把在手。拼後原裝人馬再戰原程，今遇同組對手不外如是，憑中野省吾駕輕就熟，有力再下一城。

第四場：五、六班千二米。“浩勝寶馬”上季夥拍中野省吾贏過同程，有績可尋。此駒季內沉寂多時無建樹，但馬匹評分驟減，今於五六班混戰有利可圖。“浩勝寶馬”跑均速，直路鬥後勁煞食。復配中野省吾操刀重遊勝地，不妨優先考慮。

第五場：三四班一○五○米。“好好”季內連拼多仗無戰功，但跑至季尾馬匹評分減至有利水位，幕後出擊令下隨時起筷。“好好”沙地特佳，本身有速度，今番復爭首本途程正合脾胃。用中野省吾操刀配搭堅強，憑路合磅輕可勝一仗。