創能力要謀開齋

今午上演五場黃昏馬，在移欄四米草地角逐，頭場四點正開跑。騎師陣容續由上仗原班人馬出戰。綜觀大局，全日出馬不多，個別場合得八駒角逐，但形勢暗湧大，連日天雨料場地會起變化，打水戰爆冷唔奇，投注臨場執生。

筆者心水推介，第五場四五班千五米，何華麟廄“創能力”可做馬膽。此駒連仗入位表現穩定，惟賽至季尾仍未出頭。今次加強配搭用普健士執韁，練者擺明要替馬匹謀開齋，值得睇高一線。

“創能力”今季表現逐漸轉好，沙草地十八戰共取五亞兩季。此駒質素不高，但五歲馬年輕力壯且未用盡。近兩仗用余健雄快放闖入連贏，演出續有進步。拼後重新打磨，今次改配普健士再戰千五米途程正合，此子挾上賽捧盃氣勢出擊，遇同組對手多不穩分子，形勢大好，不妨優先考慮。